ديه اساسا اول مدونه ليه فلازم اكتب اي حاجه فرحه بالحاجه الجديده يعني ومتقلقوش هتلاقوا غلطات لغويه بالكوريك =)
احنا دلوقتي في اعتصام السويس عشان المعتقلين يخرجوا الي بقالهم 64 يوم علي ذمه قضيه متلفقه اساسا وحلتهم النفسيه بقت زفت ونفسهم حتي يخرجوا للشمس فالسويس اساسا مش بتاعت اعتصامات احنا ادينا حدث وشويه عساكر ونشتبك وعد الجثث ده الي احنا فالحين فيه بلد مقاومه بس ولا لينا في مسيرات مسيرتنا بتبقي المتوسط بتاعها 70 واحد ولا اعتصام عشان الي بيباتوا مبيكمولش 20 واحد بس مفيش فأدينا حاجه نعملها للمعتقلين الي مضربين عن الطعام وامبارح كمان بقت المياه غير كده حفظا ًعلي ...ام السلميه (لعنه الله علي الي عرف الناس الكلمه ديه) .
بس الاعتصام بتاعنا في روح حلوة اساسا طول الليل بنغني سمسيه وبنألش علي بعض وده مش معناه اننا مش حاسين بالمسئوليه لكن السويسه عموما بيضحكوا وبيهزروا في اي وقت حتي واحنا في اشتباك وممكن تكون الموته الي جايه ليك وبتضحك برضه عادي. روح المقاومه بتاعت اباهتان معلمانا اني الي يموت يجي واحد غيره يكمل مش لسه هنعيط حتي في الاغنيه بتاعت يا بيوت السويس بتاعت محمد حمام فيها حته كده بتقول "هموت يا صاحبي قوم خد مكاني ديه بلدنا حلفه ما تعيش غير حره" ففي ناس بتفكر اننا مش جد بس سيبهم مبتدئين في ارض الغريب =).
السويس اساسا نسبه مشاركه البنات في الثورة مش كبيره لأن نسبه 70%من الاحداث بتبقي اشتباكات اشتبكات بجد مش هارت ففيها موت ومفيش بنات بتبات في اعتصام ..اه والله ذي مابقولكم كده احان كده ملكوش دعوة.
بالرغم من عددنا القليل في اليومين الي فاتوا بس في روح مختلفه عن اي اعتصام
مع بعض بالغنا والألش بنقدر نرفع روح بعض ونقعد في الاعتصام نبات من غير نوم اساسا من كتر بتبقي القاعده حلوة والحمد لله قدرنا نرفع حالت المعتقلين المعنويه بسبب الاعتصام.
كلمه سلميه في السويس بتختلف سلميه لو طوب بس لكن لو ضرب نار ومولوتوفات وشماريخ نقدر نسميها اشتبكات بس بأكد عشان لو حد قالك مظاهره سلميه في السويس تبقي عارف معناه الكلمه.
من موقفنا اللطخه (كلمه ما يفهمهاش غير السويسه ومعناها اكبر من كلمه غلسه شويه) في كذا حد عندنا مضرب عن الطعام تضامنن مع المعتقلين بنقعد ناكل جنبه ونشممه الاكل بالعافيه :)) لان ذي ما قولت السويس مش بتاعت الهري بتاع الاضرب عن الطعام لاننا عارفين انه مش هيفيد بحاجه في البلد بنت التيت ديه .
اجمالي الألش الي عملناه امبارح في الاعتصام ولعنا في رجل وااحد اه والله واتنين ولعوا في شعر بعض بس ولعه صغيره خالص وقومنا اتنين من النوم غصب عنهم (معندناش حد ينام في اعتصام).
للو عاوز تيجي تعتصم في اعتصام سويسه اتبع الشروط والخطوات الاتيه:
1-فتعتدقش انك هتلاقي ترحيب اوي واعمل حسابك في فلوس عشان تاكل مبنعزمش حد علي الاكل =)).
2-واعمل حسابك علي لبس اشتباكات لأن في اي وقت بنتحول وزي ما شرحتلك كلمه سلميه .
3-لو مشاعرك بتتأذي من الالفاظ متجيش اساسا عشان احنا اساسا هتفاتنا كله الفاظ.
عندنا الكل بيشتبك الفرفور والي مبيشوفش اي حد
بس عشان مش عاوز اطول عليكم في اول مدونه
ـــــــالنهايهـــــــ:)
احنا دلوقتي في اعتصام السويس عشان المعتقلين يخرجوا الي بقالهم 64 يوم علي ذمه قضيه متلفقه اساسا وحلتهم النفسيه بقت زفت ونفسهم حتي يخرجوا للشمس فالسويس اساسا مش بتاعت اعتصامات احنا ادينا حدث وشويه عساكر ونشتبك وعد الجثث ده الي احنا فالحين فيه بلد مقاومه بس ولا لينا في مسيرات مسيرتنا بتبقي المتوسط بتاعها 70 واحد ولا اعتصام عشان الي بيباتوا مبيكمولش 20 واحد بس مفيش فأدينا حاجه نعملها للمعتقلين الي مضربين عن الطعام وامبارح كمان بقت المياه غير كده حفظا ًعلي ...ام السلميه (لعنه الله علي الي عرف الناس الكلمه ديه) .
بس الاعتصام بتاعنا في روح حلوة اساسا طول الليل بنغني سمسيه وبنألش علي بعض وده مش معناه اننا مش حاسين بالمسئوليه لكن السويسه عموما بيضحكوا وبيهزروا في اي وقت حتي واحنا في اشتباك وممكن تكون الموته الي جايه ليك وبتضحك برضه عادي. روح المقاومه بتاعت اباهتان معلمانا اني الي يموت يجي واحد غيره يكمل مش لسه هنعيط حتي في الاغنيه بتاعت يا بيوت السويس بتاعت محمد حمام فيها حته كده بتقول "هموت يا صاحبي قوم خد مكاني ديه بلدنا حلفه ما تعيش غير حره" ففي ناس بتفكر اننا مش جد بس سيبهم مبتدئين في ارض الغريب =).
السويس اساسا نسبه مشاركه البنات في الثورة مش كبيره لأن نسبه 70%من الاحداث بتبقي اشتباكات اشتبكات بجد مش هارت ففيها موت ومفيش بنات بتبات في اعتصام ..اه والله ذي مابقولكم كده احان كده ملكوش دعوة.
بالرغم من عددنا القليل في اليومين الي فاتوا بس في روح مختلفه عن اي اعتصام
مع بعض بالغنا والألش بنقدر نرفع روح بعض ونقعد في الاعتصام نبات من غير نوم اساسا من كتر بتبقي القاعده حلوة والحمد لله قدرنا نرفع حالت المعتقلين المعنويه بسبب الاعتصام.
كلمه سلميه في السويس بتختلف سلميه لو طوب بس لكن لو ضرب نار ومولوتوفات وشماريخ نقدر نسميها اشتبكات بس بأكد عشان لو حد قالك مظاهره سلميه في السويس تبقي عارف معناه الكلمه.
من موقفنا اللطخه (كلمه ما يفهمهاش غير السويسه ومعناها اكبر من كلمه غلسه شويه) في كذا حد عندنا مضرب عن الطعام تضامنن مع المعتقلين بنقعد ناكل جنبه ونشممه الاكل بالعافيه :)) لان ذي ما قولت السويس مش بتاعت الهري بتاع الاضرب عن الطعام لاننا عارفين انه مش هيفيد بحاجه في البلد بنت التيت ديه .
اجمالي الألش الي عملناه امبارح في الاعتصام ولعنا في رجل وااحد اه والله واتنين ولعوا في شعر بعض بس ولعه صغيره خالص وقومنا اتنين من النوم غصب عنهم (معندناش حد ينام في اعتصام).
للو عاوز تيجي تعتصم في اعتصام سويسه اتبع الشروط والخطوات الاتيه:
1-فتعتدقش انك هتلاقي ترحيب اوي واعمل حسابك في فلوس عشان تاكل مبنعزمش حد علي الاكل =)).
2-واعمل حسابك علي لبس اشتباكات لأن في اي وقت بنتحول وزي ما شرحتلك كلمه سلميه .
3-لو مشاعرك بتتأذي من الالفاظ متجيش اساسا عشان احنا اساسا هتفاتنا كله الفاظ.
عندنا الكل بيشتبك الفرفور والي مبيشوفش اي حد
بس عشان مش عاوز اطول عليكم في اول مدونه
ـــــــالنهايهـــــــ:)
هعلق لنافسي
ردحذفيسلام ع السويسه =))